شاہین کی کپتانی میں کیویز کے ہاتھوں مسلسل چوتھی شکست

کرائسٹ چرچ// ڈیرل مچل ناٹ آؤٹ 72 اور گلین فلپس 70 ناٹ آؤٹ کی شاندار نصف سنچری اننگ کی بدولت نیوزی لینڈ نے جمعہ کو چوتھے ٹی 20 میچ میں پاکستان کو سات وکٹوں سے شکست دے دی۔
آج یہاں 159 رنوں کے ہدف کا تعاقب کرنے اتری نیوزی لینڈ کو پاکستانی گیندبازوں نے ابتدائی 20 رنوں پر تین وکٹیں گرا کر خوفزدہ کردیاتھا، تاہم کیوی ٹیم کے مڈل آرڈر بلے باز گلین فلپس اور ڈیرل مچل نے شاہین آفریدی کے جھٹکوں سے نکلتے ہوئے چوتھے وکٹ کے لئے ناٹ آؤٹ 139 رنز کی سنچری پارٹنرشپ کرتے ہوئے نیوزی لینڈ کی ٹیم نے 18.1 اوورز میں تین وکٹ پر 159 رنز بناکر سات وکٹوں سے جیت دلادی۔ اس کے ساتھ ہی نیوزی لینڈ نے سیریز میں 4-0 کی برتری حاصل کر لی ہے۔
گلین فلپس نے 52 گیندوں پر تین چھکوں اور پانچ چوکوں کی مدد سے ناقابل شکست 70 رنز بنائے جبکہ ڈیرل مچل نے 44 گیندوں پر ناقابل شکست 72 رنز بنائے اور اپنی اننگ میں دو چھکے اور سات چوکے لگائے۔
پاکستان کی جانب سے شاہین آفریدی نے تین وکٹیں حاصل کیں۔
پہلے بیٹنگ کرنے آئے پاکستان کا آغاز خراب رہا اور اس کے سلامی بلے باز صائم ایوب ایک رن آؤٹ ہوگئے۔ اس کے بعد بابر اعظم 19 اور فخر زمان 9 بھی بڑی اننگ کھیلنے میں ناکام رہے۔ محمد رضوان نے شاندار کھیل کا مظاہرہ کرتے ہوئے 38 گیندوں پر اپنی نصف سنچری مکمل کی۔ انہوں نے اعظم کے ساتھ دوسرے وکٹ کے لیے 51 رنز کی شراکت داری کی۔ انہوں نے پانچویں وکٹ کے لیے افتخار احمد 10 رنز کے ساتھ 40 رنز جوڑے۔ رضوان نے 63 گیندوں پر چھ چوکوں اور دو چھکوں کی مدد سے ناقابل شکست 90 رنز بنائے۔ پاکستان نے مقررہ 20 اوورز میں پانچ وکٹوں پر 158 کا اسکور کھڑا کیا۔
نیوزی لینڈ کی جانب سے میٹ ہنری اور لوکی فرگوسن نے 2-2 وکٹیں حاصل کیں۔ ایڈم ملنے نے ایک بلے باز کو آؤٹ کیا۔