بھونیشور اور کٹک ریلوے اسٹیشن میں عالمی معیار کی مسافر سہولیات: اشونی

بھونیشور// ریلوے کے مرکزی وزیر اشونی ویشنو نے کہا ہے کہ اڈیشہ میں بھونیشور اور کٹک کے ریلوے اسٹیشن عالمی معیار کی مسافر سہولیات کے ساتھ شہر کا اہم مرکز بنیں گے ۔
مسٹر ویشنو نے اتوار کو کٹک اور بھونیشور ریلوے اسٹیشنوں کا دورہ کیا اور ان کی عالمی معیار کے اسٹیشنوں کے طور پر دوبارہ ترقی کے لیے جاری بنیادی ڈھانچے کے کاموں کی پیش رفت کا جائزہ لیا۔ انہوں نے کام کی پیشرفت پر خوشی کا اظہار کیا اور اس بات پر زور دیا کہ بھونیشور اور کٹک کے یہ عالمی معیار کے اسٹیشن عالمی سطح کی مسافر سہولیات کے ساتھ شہر کے مراکز بن جائیں گے ۔
انہوں نے بھدرک-بھونیشور ریلوے سیکشن کا معائنہ کیا اور سیکورٹی اور ٹریفک سہولیات کا جائزہ لیا۔ انہوں نے ریلوے سیکشن پر جاری انفراسٹرکچر کے کاموں کا جائزہ لیا۔ معائنہ کے دوران انہوں نے افسران کو مشورہ دیا کہ وہ محفوظ اور ہموار ٹرین آپریشن کو یقینی بنانے کے لیے ضروری احتیاطی تدابیر اختیار کریں۔
انہوں نے انفراسٹرکچر سے متعلق پروجیکٹوں اور مسافروں کی سہولیات کے کاموں کی بروقت تکمیل پر بھی زور دیا۔