جتن کشور نے ڈائریکٹر انفارمیشن کا عہدہ سنبھال لیا

جموں//
جتن کشور نے آج یہاں ڈائریکٹر انفارمیشن کا عہدہ سنبھال لیا۔
چارج سنبھالنے کے بعد ڈائریکٹر نے محکمے کے افسران کے ساتھ ایک مختصر تعارفی اجلاس منعقد کیا جس کے دوران انہوں نے محکمے کی سرگرمیوں اور بنیادی اہلیت کو مزید مستحکم کرنے کی ضرورت پر زور دیا تاکہ اس کی رسائی کو زیادہ سے زیادہ بڑھانے کیلئے جدید اور نئے میڈیا پلیٹ فارم متعارف کرائے جائیں۔
ڈائریکٹر نے افسران پر زور دیا کہ وہ عوام کو بروقت درست معلومات فراہم کریں، شفافیت کو فروغ دیں اور حکومت اور جموں و کشمیر کے شہریوں کے درمیان مواصلاتی ذرائع کو بہتر بنائیں۔
بعد ازاں ڈائریکٹر نے دفتر کے احاطے کا دورہ کیا اور ملازمین سے بات چیت کی۔
دریں اثناء ڈی آئی پی آر کے افسران اور اہلکاروں نے تبدیل ہوئے ڈائریکٹر منگا شیرپا کو بھی پیار سے الوداع کیا جنہیں ڈپٹی کمشنر بارہمولہ تعینات کیا گیا ہے۔