نئی دہلی//) سڑک ٹرانسپورٹ اور شاہراہوں کے وزیر نتن گڈکری نے کیرالہ کے 1464 کروڑ روپے سے زیادہ کے 12 نیشنل ہائی وے پروجیکٹوں کا افتتاح اور سنگ بنیاد رکھا۔
مسٹر گڈکری نے ایکس پر یہ معلومات دیتے ہوئے بتایا کہ ریاست میں کل 105 کلو میٹر طویل ان پروجیکٹوں سے تمل ناڈو اور کیرالہ کے درمیان بلاتعطل ٹریفک چلائی جاسکتی ہے ۔ انہوں نے کہا کہ اس اقدام سے نقل و حمل کی مجموعی لاگت کو کم کرنے اور قومی شاہراہوں پر سڑک حادثات کو کم کرنے میں مدد ملے گی۔
انہوں نے کہا کہ ان منصوبوں سے کیرالہ کی سماجی اور اقتصادی ترقی کو فروغ ملے گا اور براہ راست اور بالواسطہ روزگار کے مواقع پیدا ہوں گے ۔
مرکزی وزیر نے کہا کہ ان پروجیکٹوں سے سیاحوں کو منار کی طرف راغب کرکے سیاحت کی صلاحیت میں اضافہ ہوگا۔ اس کے ساتھ ساتھ اس پروجیکٹ کے تحت ایک اونچے درجے کا پل بھی تعمیر کیا جانا ہے جس سے سیلاب کے دوران لوگوں کو 27 کلومیٹر کے کٹھن سفر سے نجات ملے گی اور لوگ منظم طریقے سے اپنی منزل تک پہنچ سکیں گے ۔
اس موقع پر مرکزی وزیر مملکت وی مرلی دھرن، کیرالہ کے تعمیرات عامہ کے وزیر پی اے ۔ محمد ریاض، کیرالہ کے کاسرگوڈ کے ایم پی جگموہن اُنیتھن، کاسرگوڈ میں ایم ایل اے اور سینئر افسران موجود تھے ۔
