سابق امریکی صدر ڈونلڈ ٹرمپ کے وکیل نے خود کو دیوالیہ قرار دیدیا

واشنگٹن//
سابق امریکی صدر ڈونلڈ ٹرمپ کے وکیل اور نیویارک کے سابق میئر روڈی جولیانی نے خود کو دیوالیہ قرار دیدیا۔
عدالت نے ریاست جارجیا میں الیکشن ورکرز پر جھوٹے الزامات لگانے کے جرم میں جولیانی کو حکم دیا تھا کہ وہ 148 ملین ڈالر ہرجانہ ادا کریں۔ جولیانی کو جارجیا میں کرمنل چارجز کا بھی سامنا ہے۔
جولیانی کا دعویٰ ہے کہ ان کے اثاثوں کی مالیت 1 ملین سے 10 ملین ڈالر کے درمیان ہے جبکہ ان پر واجب الادا رقم 100 ملین ڈالر سے 500 ملین ڈالر ہے۔
جولیانی کے ترجمان نے کہا کہ دیوالیہ قرار دیے جانے سے سابق مئیر کو 148 ملین ڈالر ہرجانے کے معاملے میں اپیل کا موقع مل جائے گا۔