اسمرتی ایرانی نے کہا کہ غیر منظم شعبے کی خواتین کارکنوں کو آنگن واڑیوں سے جوڑیں

نئی دہلی//مرکزی خواتین و بچوں کی ترقی کی وزیر اسمرتی ایرانی نے ریاستوں اور مرکز کے زیر انتظام علاقوں سے کہا ہے کہ وہ ایسے علاقوں کی نشاندہی کریں جہاں غیر منظم شعبے میں کام کرنے والی خواتین کارکنوں کی تعداد زیادہ ہے اور انہیں آنگن واڑی-کم-کریچ اسکیم سے جوڑیں۔
جمعہ کو یہاں پالنا کے تحت آنگن واڑی-کم-کریچ-اے ڈبلیو سی سی پر اسکیم کے معیاری آپریٹنگ پروسیجر (ایس او پی) کی لانچنگ تقریب سے خطاب کرتے ہوئے محترمہ ایرانی نے کہا کہ حکومت کی پہلی ترجیح ہر اس خاتون تک پہنچنا ہے جو کام کرتی ہے ۔ گھر کے ساتھ ساتھ وہ دوسروں کے گھروں میں کام کرکے اپنی روزی کماتی ہے ۔
انہوں نے کہا کہ حکومت کی ترجیح پلانا کے تحت زرعی مزدوروں، تعمیراتی کارکنوں کے طور پر کام کرنے والی خواتین کو اس قابل بنانا ہے کہ وہ معاشی سرگرمیوں کا حصہ بن سکیں اور اپنے بچوں کے ساتھ ان کی روزی روٹی کے لیے محفوظ ماحول فراہم کریں۔ انہوں نے ریاستی اور ضلعی عہدیداروں سے کہا کہ 17 ہزار کریچوں کی مجوزہ تعداد کو حتمی حد کے طور پر نہیں دیکھا جانا چاہئے ۔
انہوں نے کہا کہ مرکزی حکومت ان ریاستوں کو مکمل تعاون فراہم کرے گی جو مجوزہ تعداد سے زیادہ اے ڈبلیو سی سی کھولنا چاہتی ہیں۔ انہوں نے ریاستوں سے کہا کہ وہ اپنے اپنے علاقوں میں تعمیراتی مقامات کا بنیادی جائزہ لیں اور شہری اور ذیلی شہری علاقوں کا نقشہ بنائیں جہاں منظم اور غیر منظم شعبے میں خواتین کی شراکت زیادہ ہے ، تاکہ کریچوں کی تعمیر کے لیے موزوں جگہوں کی نشاندہی کی جا سکے ۔
محترمہ ایرانی نے کہا کہ وزارت ریاستوں کے ساتھ مشاورت سے ایک فریم ورک بنائے گی، جہاں کوئی بھی شخص نجی حیثیت میں اس شعبے میں خدمات میں حصہ لے سکتا ہے ۔ اس کے لیے بچوں کی حفاظت اور صحت کی ضروریات اور غذائیت کا پتہ لگایا جائے گا۔ انہوں نے خواتین کو معاشی مواقع فراہم کرنے میں چائلڈ کیئر سیکٹر کی صلاحیت کو بڑھانے پر زور دیا۔