پارلیمنٹ پر حملے کی برسی : سنہا کاجاں بحق افراد کو خراج عقیدت

سرینگر//
جموں و کشمیر کے لیفٹیننٹ گورنر منوج سنہا نے بدھ کے روز سال۲۰۰۱میں پارلیمنٹ حملے میں جاں بحق ہونے والے افراد کو خراج عقیدت پیش کیا۔انہوں نے کہا’’قوم ان کی مثالی جرات، بہادری اور عظیم قربانی کی ہمیشہ مرہون رہے گی‘‘۔
بتادیں کہ ملک کے پارلیمنٹ پر ۲۲برس قبل۱۳دسمبر۲۰۰۱کو ہوئے حملے میں ۹؍افراد جاں بحق ہوئے تھے جس میں۶ سیکورٹی اہلکار‘۲پارلیمنٹ سیکورٹی کے اہلکار اور ایک باغبان شامل تھے ۔
لیفٹیننٹ گورنر نے بدھ کو’ایکس‘پر اپنے ایک پوسٹ میں اس حملے میں جاں بحق ہونے والے افراد کو خراج عقیدت پیش کرتے ہوئے کہا’’سال۲۰۰۱میںپارلیمنٹ حملے کے دوران اپنی جانوں کا نذرانہ پیش کرنے والے شہدا کو خراج عقیدت پیش کرتا ہوں‘‘۔
سنہانے کہا’’قوم ان کی مثالی جرات، بہادری اور عظیم قربانی کی ہمیشہ مرہون رہے گی۔‘‘