بی ایس ایف انڈیا کا یوم تاسیس

سرینگر//
جموںکشمیر کے لیفٹیننٹ گورنر منوج سنہا نے جمعہ کے روز بارڈر سیکورٹی فورس (بی ایس ایف) انڈیا کو ان کے یوم تاسیس پر مبارک باد پیش کی۔
سنہا نے کہا’’ہندوستان کی پہلی لائن آف ڈیفنس اور ہمارے سرحدوں کی نگہبان کے طور پر بی ایس ایف اپنے نصب العین’زندگی تک خدمت‘کی رہنمائی میں پوری لگن کے ساتھ قوم کی خدمت کر رہی ہے‘‘۔
لیفٹیننٹ گورنر نے ’ایکس‘ پر اپنے ایک پوسٹ میں کہا’’بی ایس ایف انڈیا کے اہلکاروں کو ان کے یوم تاسیس پر مبارک باد دیتا ہوں، ہندوستان کی پہلی لائن آف ڈیفنس اور ہمارے سرحدوں کی نگہبان کے طور پر بی ایس ایف اپنے نصب العین ’زندگی تک خدمت‘کی رہنمائی میں پوری لگن کے ساتھ قوم کی خدمت کر رہی ہے‘‘۔
سنہانے کہا’’میں ان کی مثالی ہمت اور مادر وطن کے تئیں بے لوث خدمت کے جذبے کو سلام کرتا ہوں۔‘‘
بتادیں بارڈر سیکورٹی فورس (بی ایس ایف) کو یکم دسمبر ۱۹۶۵کو معرض وجود میں لایا گیا۔