بارہمولہ میں۰امہینوںمیں۴۲۵منشیات فروش گرفتار

سرینگر//
منشیات کی وبا کے خلاف جنگ کو جاری رکھتے ہوئے بارہمولہ پولیس نے سال رواں کے پہلے۱۰مہینوں کے دوران۲۴۲مقدمے درج کرکے۴۲۵منشیات فروشوں کو گرفتار کیا ہے جبکہ منشیات کے کاروبار سے حاصل کی گئی کروڑوں روپے مالیت کی جائیدادوں کو ضبط بھی کیا ہے ۔
پولیس کا کہنا ہے کہ منشیات فروشوں کا شکنجہ کسنے کے نتیجے میں ضلع میں حالیہ مہینوں کے دوران منشیات فروشی سے متعلق مقدموں میں بھی کمی واقع ہوئی ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ بارہمولہ پولیس نے ضلع میں سال رواں کے ماہ اکتوبر کے اختتام تک این ڈی پی ایکٹ کے تحت منشیات فروشی سے متعلق ۲۴۲کیس درج کئے ہیں۔انہوں نے کہا کہ مذکورہ مقدموں میں۴۲۵منشیات فروشوں کو گرفتار کیا گیا جن میں سے۶۹؍انتہائی مطلوب منشیات فروش ہیں جن پرپی ٹی آئی این ڈی پی ایس / پی ایس اے کے تحت مقدمہ درج کیا گیا۔
بیان میں کہا گیا کہ سال رواں کے دوران اب تک۷؍ایسے مقدمے درج کئے گئے جن کے تحت جائیدادوں کو ضبط کیا گیا۔انہوں نے کہا کہ ضبط شدہ جائیدادوں میں۳مکان‘۳گاڑیاں اور۲ء۱کروڑ رویے نقد شامل ہیں۔
ترجمان نے سال رواں کے ماہ اکتوبر کے اختتام تک ضبط شدہ منشیات کی تفصیلات فراہم کرتے ہوئے کہا کہ پولیس نے ضلع کے مختلف علاقوں میں سال رواں کے پہلے ۱۰مہینوں کے دوران۶۷۰ء۲کلو برائون شوگر بر آمد کیا جس کی بلیک مارکیٹ میں قیمت۴۷ء۳کروڑ رویے ہے ۔انہوں نے کہا کہ اس دوران ضلع میں۵۲۷ء۴کلو ہیرائن بر آمد کی گئی جس کی بلیک مارکیٹ میں قیمت۳۳ء۶کروڑ رویے ہے اسی طرح ضلع میں۸۰۸ء۱۱کلو چرس بر آمد کیا گیا جس کی بلیک مارکیٹ میں قیمت۰۴ء۵۹لاکھ رویے ہے ۔
بیان کے مطابق ضلع میں اب تک۶۹۲ء۱۹۸کلو فکی بر آمد کی گئی جس کی بلیک مارکیٹ میں قیمت۲۹ء۱کروڑ رویے ہے ۔پولیس بیان میں کہا گیا کہ پولیس نے ضلع میں۱۳ء۱کروڑ روپیے نقدی بر آمد کیا جبکہ اس سلسلے میں۳۱گاڑیوں کو ضبط بھی کیا گیا۔
ترجمان نے بتایا کہ ضبط شدہ منشیات بشمول گاڑیاں اور نقدی کی کل رقم۱۲کروڑ۶۸لاکھ۴ہزار روپے ہے ۔بارہمولہ پولیس نے لوگوں سے معاشرے سے منشیات کی بیخ کنی کو یقینی بنانے کیلئے جاری مہم کیلئے بھر پور تعاون فراہم کرنے کی اپیل کی ہے ۔