معطل شدہ ڈی ایس پی شیخ عادل ضمانت پر رہا

سرینگر//
انسداد بد عنوانی کی ایک خصوصی عدالت نے ہفتے کے روز معطل ڈپٹی سپر انٹنڈنٹ آف پولیس (ڈی ایس پی) شیخ عادل مشتاق کو ضمانت دے دی۔
ڈی ایس پی کو ماہ گذشتہ مبینہ بد عنوانی اور بھتہ خوری کے مقدمے میں گرفتار کیا گیا تھا۔
حکام نے بتایا کہ ملزم کو۲۱؍اکتوبر تک عبوری ضمانت دے دی گئی ہے جو اس کیس کی اگلی سماعت کی تاریخ بھی ہے ۔
ڈی ایس پی شیخ عادل مشتاق۲۰۱۵بیچ کے کشمیر پولیس سروس (کے پی ایس) افیسر ہیں جنہیں۲۱ستمبر کو کئی کیسز میں ملوث ہونے کے الزام میں گرفتار کیا گیا تھا۔
گرفتاری کے بعد کیس کی تحقیقات کیلئے۵رکنی خصوصی تحقیقاتی ٹیم تشکیل دی گئی تھی اور عادل کو گرفتاری کے بعد معطل بھی کیا گیا تھا۔
پولیس کے ایک ترجمان نے ایکس پر تفصیلات فراہم کرتے ہوئے بتایا تھا کہ۱۷ویں آئی آر پی میں تعینات ڈی ایس پی عادل مشتاق کو ایف آئی آر زیر نمبر۱۴۹زیر دفعات۷؍اے انسداد بد عنوانی ایکٹ اور۲۲۱‘۲۱۸‘۲۱۰‘۲۰۱’۱۹۳؍ایکٹ کے تحت گرفتار کیا گیا ہے ۔