جموں و کشمیر میں امسال۲۶ ستمبر تک۴۷ دہشت گرد مارے گئے‘۲۰۴گرفتار

نئی دہلی///
اس سال۲۶ ستمبر تک جموں و کشمیر میں سینٹرل ریزرو پولیس فورس (سی آر پی ایف) اور دیگر سیکورٹی فورسز کے ذریعہ کئے گئے متعدد آپریشنوں میں کل ۴۷دہشت گرد مارے گئے اور۲۰۴ کو گرفتار کیا گیا۔
اس سال یکم جنوری سے ۲۶ ستمبر کے درمیان جموں و کشمیر میں مارے گئے ۴۷دہشت گردوں میں سے۹مقامی دہشت گرد اور۳۸غیر ملکی دہشت گرد شامل ہیں۔
۲۰۲۲میں ہلاک شدہ دہشت گردوں کی تعداد۱۸۷ رہی جن میں ۱۳۰ مقامی دہشت گرد اور ۵۷ غیر ملکی دہشت گرد شامل تھے۔
اعداد و شمار کے مطابق اس سال یکم جنوری سے۲۶ستمبر کے درمیان جموں و کشمیر میں کل ۲۰۴ دہشت گردوں کو گرفتار کیا گیا ہے۔
گزشتہ ماہ کے دوران مجموعی طور پر چار دہشت گرد ہلاک اور۴۰کو گرفتار کیا گیا جبکہ مجموعی طور پر۸دہشت گرد ہلاک اور ۳۴کو گرفتار کیا گیا۔
اعداد و شمار سے مزید پتہ چلتا ہے کہ جموں و کشمیر میں اس وقت کل۱۱۱دہشت گرد سرگرم ہیں‘ جن میں۴۰مقامی دہشت گرد اور ۷۱ غیر ملکی دہشت گرد شامل ہیں۔ اعداد و شمار کے مطابق گزشتہ سال جموں و کشمیر میں۱۳۷دہشت گرد سرگرم تھے۔ (ایجنسیاں)