اُمید ہے بھارت میں فینز پاکستان ٹیم کو بھی سپورٹ کریں گے، شاہین آفریدی

کراچی//
پاکستان کرکٹ ٹیم کے فاسٹ بولر شاہین آفریدی نے شائقین سے احمدآباد میں پاک بھارت میچ کے دوران پاکستان کو سپورٹ کرنے کی امید لگالی۔
آئی سی سی کرکٹ ورلڈکپ میں پاک بھارت میچ پر شاہین آفریدی نے اپنا پیغام جاری کردیا۔
اس پیغام میں شاہین آفریدی کا کہنا تھا کہ بھارت کے خلاف احمدآباد میں میچ میں تقریباً ایک لاکھ تک لوگ ہوں گے۔ اُمید ہے بھارت میں فینز پاکستان ٹیم کو بھی سپورٹ کریں گے۔
انہوں نے یہ بھی کہا کہ پاک بھارت میچ میں پرفارمنس شائقین کی نظروں میں آتی ہے۔