اگلے دو ہفتوں کا موسم فصل کٹائی کے موافق:محکمہ موسمیات

سرینگر//
محکمہ موسمیات نے وادی کشمیر میں اگلے دو ہفتوں کے موسم کو فصل کٹائی کے موافق قرار دیا ہے ۔
متعلقہ محکمے کے ڈائریکٹر ‘سونم لوٹس کے مطابق جموں وکشمیر میں اگلے دو ہفتوں کے دوران موسم مجموعی طور پر گرم اور خشک رہنے کا امکان ہے ۔
لوٹس نے کہا کہ ماہ رواں کے وسط تک بارشوں کی کمی جاری رہنے کی توقع ہے ۔ان کا کہنا تھا کہ علاوہ ازیں جموں وکشمیر اور لداخ یونین ٹریٹری میں مون سون کی صورتحال کمزور رہنے کا بھی امکان ہے ۔
ڈائریکٹر نے اس موسم کو فصل کٹائی، مہم جوئی اور دیگر بیرونی سرگرمیوں کیلئے موزوں قرار دیا۔
بتادیں کہ وادی میں جہاں سیب اتارنے کا کام شروع ہوا ہے جبکہ بعض علاقوں میں دھان کی فصل کاٹنے کا کام بھی شروع ہونے ولا ہے ۔