سارن میں جہیز کے مطالبہ کے سلسلے لڑکی کا قتل

چھپرا،// بہار میں سارن ضلع کے نگر تھانہ علاقہ میں جہیز کا مطالبے کے سلسلے میں ایک لڑکی کا گلا دباکر قتل کر دیا گیا۔
پولیس کے ذرائع نے ہفتہ کو یہاں بتایا کہ چھوٹا تیلپا محلہ میں جہیز کے لئے انو(19) کا گلا دباکر قتل کر دیا گیا ۔ اس معاملے میں متوفی انو کی ماں پانا پور تھانہ کے ست جوڑا گاوں کے رہائشی ریکھا دیوی نے تھانے میں دی گئی درخواست میں کہا کہ انہوں نے اپنی بیٹی انو کی شادی اسی سال 15مئی کو چھوٹا ٹیلپا محلہ کے رہائشی سودیش مہتو سے کی تھی ۔ شادی کے بعد سے ہی سسرال والے جہیز میں موٹر سائیکل کا مطالبہ کر رہے تھے ، جسے انہوں نے اگلے سال دینے کا وعدہ کیا تھا۔ لیکن سسرال والو نے ان کی بیٹی کا قتل کر دیا او رلاش کو گھر میں چھوڑ کر باہر سے تالا لگا کر بھاگ گئے ہیں۔
ذرائع نے بتایا کہ واقع کی اطلاع ملنے پر موقع پر پہنچی پولیس نے گھر کا تالا توڑ کر لاش کو پوسٹ مارٹم کے لئے صدر اسپتال چھپرا بھیج دیا ہے ۔ پولیس اس معاملے میں متوفی کے مائیکے والوں کی درخواست پر ایف آئی آر درج کرکے ملزم کی گرفتاری کے لئے چھاپے ماری کر رہی ہے ۔