شاہ نے سہارا ریفنڈ کے لئے اہم فیصلہ کیا

نئی دہلی// وزیر داخلہ امت شاہ نے گاوں اور دور دراز علاقوں میں رہنے والے لوگوں کو سی آر سی ایس- سہارا ریفنڈ پورٹل پر درخواستیں بھرنے کی سہولت فراہم کرنے کے لیے ایک اہم فیصلہ کیا ہے ۔
سہارا گروپ کی کوآپریٹو سوسائٹیز کے حقیقی جمع کنندگان کی سی آر سی ایس-سہارا ریفنڈ پورٹل پر دعوے جمع کرانے میں کامن سروس سینٹرز بھی مدد کریں گے ۔ 18 جولائی کو مسٹر شاہ نے نئی دہلی میں سینٹرل رجسٹرار آف کوآپریٹو سوسائٹیز سہارا ریفنڈ پورٹل کا آغاز کیا تھا۔
پورے ملک میں پھیلے 5.5 لاکھ سے زیادہ کامن سروس سینٹرز کے ذریعہ 300 سے زیادہ ای سروسز فراہم کی جارہی ہیں۔ ان کامن سروس سینٹرز میں انٹرنیٹ کنیکٹیویٹی، کمپیوٹر، پرنٹر اور اسکینر جیسی تمام سہولیات موجود ہیں۔ حقیقی ڈپازٹرز سہارا ریفنڈ پورٹل پر اپنے دعوے جمع کرانے کے لیے درخواست بھرنے کے لیے قریبی کامن سروس سینٹر سے مدد حاصل کر سکتے ہیں۔
کامن سروس سینٹر کے ذریعے حقیقی جمع کنندگان کے دعوے جمع کرانے میں سہولت فراہم کرنے کے لیے ، ہم نے اپنے سسٹم کو فعال کیا ہے ۔
سہارا ریفنڈ پورٹل سہارا گروپ کی چار کوآپریٹو سوسائٹیوں – سہارا کریڈٹ کوآپریٹو سوسائٹی لمیٹڈ، سہارا یونیورسل ملٹی پرپز سوسائٹی لمیٹڈ، ہمارا انڈیا کریڈٹ کوآپریٹو سوسائٹی لمیٹڈ اور اسٹارز ملٹی پرپز کوآپریٹو سوسائٹی لمیٹڈ کے حقیقی جمع کنندگان کے دعوے جمع کرانے کے لیے تیار کیا گیا ہے ۔ جمع کنندگان اپنے دعوے سی آر سی ایس۔سہارا ریفنڈ پورٹل کے ذریعے بھی جمع کرا سکتے ہیں۔