بی جے پی نے مبینہ شراب گھپلہ پر چھتیس گڑھ حکومت کو ہدف تنقید بنایا

نئی دہلی// چھتیس گڑھ میں بھارتیہ جنتا پارٹی (بی جے پی) نے جمعرات کو ریاست کی حکمراں کانگریس حکومت کو شراب کے کاروبار کے ذریعے سرکاری خزانے سے 2,161 کروڑ روپے کی مبینہ لوٹ مار پر نشانہ بناتے ہوئے دعویٰ کیا کہ یہ رقم چوری کی گئی۔ جس کو وزیر اعلی بھوپیش بگھیل کا آشیرواد حاصل ہے ۔ یہاں پارٹی ہیڈکوارٹر میں ایک پریس کانفرنس سے خطاب کرتے ہوئے بی جے پی کے ترجمان روی شنکر پرساد نے کہا کہ شراب کے ذریعے غیر قانونی کمائی ان دنوں اپوزیشن حکومتوں کا ایک اہم ذریعہ بن گئی ہے ۔
انہوں نے کہا کہ بڑے پیمانے پر سرکاری خزانے کو لوٹا گیا ہے اور یہ حکومت کے براہ راست تعاون کے بغیر ممکن نہیں۔
مسٹر پرساد نے الزام لگایا کہ اس گھپلے کا ماسٹر مائنڈ انور ڈھیبر ہے جو وزیر اعلیٰ کے بہت قریب اور رائے پور کے میئر اعجاز ڈھیبر کے بھائی ہیں۔
انہوں نے کہا کہ انفورسمنٹ ڈائریکٹوریٹ (ای ڈی)، چھتیس گڑھ میں مبینہ شراب گھپلہ کی تحقیقات کر رہی ہے ، نے خصوصی پی ایم ایل اے عدالت میں استغاثہ کی شکایت درج کرائی ہے ۔
واضح رہے کہ ای ڈی نے منگل کو دعویٰ کیا تھا کہ چھتیس گڑھ کے سرکاری خزانے کو کل 2,161 کروڑ روپے کا نقصان پہنچا ہے ۔ اپنی چارج شیٹ میں ای ڈی نے کہا کہ چھتیس گڑھ میں بیوروکریٹس اور سیاستدان مبینہ طور پر شراب گھپلہ کیس میں ملوث تھے ۔