تعلیمی اداروں میں گرمائی تعطیلات؟

سرینگر//
صوبائی کمشنر کشمیر وجے کمار بدھوری کا کہنا ہے کہ وادی کے اسکولوں اور کالیجوں میں گرمائی تعطیلات کا فیصلہ اتوار کے بعد لیا جائیگا ۔
صوبائی کمشنر نے ان باتوں کا اظہار جمعہ کے روز یہاں نامہ نگاروں کے سوالوں کا جواب دینے کے دوران کیا۔
گرمی بڑھنے کے پیش اسکولوں اور کالیجوں کے گرمائی تعطیلات کے بارے میں پوچھے جانے پر انہوں نے کہا’’گرمی تو ہے لیکن اب ہفتہ اور اتوار ہے ، ہم نظر بنائے ہوئے ہیں اگر لگے گا کہ موسم خراب ہے تو متعلقین کے ساتھ بات چیت کے بعد فیصلہ لیا جائے گا‘‘۔
مرکزی وزیر داخلہ کے دورہ سرینگر کے پیش نظر کی گئی تیاریوں کے بارے میں ان کا کہنا تھا’’اس سلسلے میں جو تیاریاں کی گئی ہیں وہ آپ سب کے سامنے ہیں‘‘۔
لالچوک کے متعلق پوچھے جانے پر بدھوری نے کہا’’ہم سوچ رہے تھے کہ۳۰ جون لیکن ۱۵جولائی تک لوگوں کو بہت اچھا لالچوک دیکھنے کو ملے گا‘‘۔انہوں نے کہا کہ وزیر داخلہ امیت شاہ جن پرجیکٹوں کا آج افتتاح کریں گے ان کی تفصیلات میڈیا کو دی جائیں گی۔