لاہور// پاکستان کرکٹ ٹیم کے سابق بولنگ کوچ شان ٹیٹ نے قومی کرکٹ ٹیم کے فاسٹ بولر نسیم شاہ کی تعریف کی ہے۔
آسٹریلیا کے سابق فاسٹ باؤلر اور اپنی تیز رفتاری کے لیے مشہور شان ٹیٹ نے فاسٹ بولر نسیم شاہ کی تعریف کرتے ہوئے کہا کہ اتنی کم عمر کے بہترین فاسٹ بولر کو میں نے کبھی نہیں دیکھا۔
شان ٹیٹ نے پاکستان ٹیم کے فاسٹ باؤلنگ کوچ کی حیثیت سے 20 سالہ نسیم شاہ کے ساتھ مل کر کام کیا، ایک باؤلگ کوچ کی حثیت سے انہوں نے نسیم شاہ کی مہارتوں اور پیشرفت کا قریب سے مشاہدہ کرنے کا موقع فراہم ملا، جس کی وجہ سے انہوں نے نوجوان فاسٹ باؤلر کی اتنی زیادہ تعریف کر سکے۔
شان ٹیٹ نے ایک بیان میں نسیم شاہ کی صلاحیتوں کی تعریف کی اور انہیں ایک بے پناہ صلاحیتوں کا حامل لاجواب کھلاڑی قرار دیا۔
شان ٹیٹ نے کہا کہ نسیم شاہ ایک لاجواب فاسٹ بولر ہے مجھے اس کے ساتھ کام کرنا پسند تھا، وہ اس عمر کے بہترین فاسٹ بولر میں سے ایک ہے، میں نے ایک فاسٹ بولر کو 20 سال کی عمر میں اتنا زیادہ صلاحیت والا بولر نہیں دیکھا۔
قومی ٹیم کے سابق بولنگ کوچ کا کہنا تھا کہ نسیم شاہ ایک بہترین اور مکمل پیکج ہے، وہ جب چاہے گیند کو دو طرف سے سوئنگ کرتا ہے ساتھ ہی پرانی گیند کو ریورس بھی کرسکتا ہے۔
