اچھہ بل: موٹر سائیکل سوار گاڑی کی زد میں آکر ہلاک‘د زخمی

سرینگر//
حکام نے بتایا کہ جنوبی کشمیر کے ضلع اننت ناگ کے اچھہ بل علاقے میں ایک موٹر سائیکل سوار کی موت ہو گئی اور اس کے دو دو سوار زخمی ہو گئے جب وہ مبینہ طور پر تیز رفتار گاڑی کی زد میں آ گئے۔
حکام کے مطابق ترہپو اچھہ بل کے مقام پر ایک نامعلوم گاڑی نے ایک موٹر سائیکل کو ٹکر مار دی جس کے نتیجے میں موٹر سائیکل سوار کی موقع پر ہی موت ہو گئی اور اس کے دو سوار زخمی ہو گئے۔
جاں بحق ہونے والے موٹر سائیکل سوار کی شناخت گل محمد گانی ولد علی محمد گانی سکنہ تلوانی اور زخمیوں کی شناخت محمد اشرف غنی ولد غلام حسن گنائی اور ماجد احمد گنائی ولد بشیر احمد گنائی سکنہ کنگن ہال اچھہ بل کے نام سے ہوئی ہے۔
زخمی دونوں کو علاج کے لیے جی ایم سی اننت ناگ لے جایا گیا۔
ایک اہلکار نے بتایا، ’’پولیس کے جائے وقوعہ پر پہنچنے سے پہلے ہی گاڑی کا ڈرائیور موقع سے فرار ہونے میں کامیاب ہوگیا‘‘۔
ایک پولیس اہلکار نے واقعہ کی تصدیق کرتے ہوئے ایک مقامی خبر رساں ایجنسی کوبتایا کہ انہوں نے مزید تحقیقات کے لیے اس سلسلے میں ایک کیس درج کر لیا ہے۔
دریںاثناحکام نے بتایا کہ جموں کشمیر کے ڈوڈہ ضلع میں پیر کو ایک حادثے کے گاڑی دریا میں گرنے سے تین افراد ہلاک ہو گئے۔
ایک اہلکار نے بتایا کہ ایک گاڑی جس میں تین افراد سوار تھے سڑک سے پھسل کر پہاڑی ضلع میں راگی نالہ میں جا گری۔انہوں نے کہا کہ جلد ہی، مقامی رضاکاروں اور پولیس کی جانب سے ریسکیو آپریشن شروع کیا گیا۔
اہلکار نے کہا کہ اب تک دریا سے دو لاشیں نکالی گئی ہیں، انہوں نے مزید کہا کہ تیسرے شخص کی ہلاکت کا بھی خدشہ ہے۔