اننت ناگ میں دہشت گردوں نے ادھمپور کے شہری کوہلاک کیا:پولیس

سرینگر/
جنوبی کشمیر کے اننت ناگ میں پیر کو دہشت گردوں نے ایک شہری کو گولی مار کر ہلاک کر دیا۔
پولیس کے مطابق متوفی اننت ناگ میں جنگلات منڈی کے قریب ایک تفریحی پارک میں ایک نجی سرکس میلے میں کام کر رہا تھا۔
ایک پولیس ترجمان نے ایک ٹویٹ میں کہا’’دہشت گردوں نے اننت ناگ میں جنگلات منڈی کے قریب تفریحی پارک میں پرائیویٹ سرکس میلے میں کام کرنے والے دیپو ساکنہ ادھم پور نامی شہری پر گولی چلا دی۔ اسے ہسپتال لے جایا گیا جہاں وہ زخموں کی تاب نہ لاتے ہوئے چل بسا۔ مقدمہ درج‘تفتیش جاری ہے۔‘‘
ترجمان نے بتایا کہ پولیس نے آس پاس علاقوں کو محاصرے میں لے کر حملہ آوروں کی بڑے پیمانے پر تلاش شروع کی۔