لیفٹیننٹ گورنر کا جی ۲۰ کے شرکاء کا خیر مقدم

سرینگر//
لیفٹیننٹ گورنر منوج سِنہا نے جی۲۰ ممالک کے معزز مندوبین اور کثیر الجہتی آرگنائزیشنوں کے اَرکان کا جموں وکشمیر میں تیسری ٹوراِزم ورکنگ گروپ میٹنگ کے لئے والہانہ خیر مقدم کیا ہے ۔
سنہا نے جی۲۰ میٹنگ کی میزبانی کا تاریخی موقعہ اور اعزاز جموںوکشمیر کو فراہم کرنے پر وزیر اعظم کا شکریہ بھی اَدا کیا۔
لیفٹیننٹ گورنر نے ٹویٹ کیا’’ میں جی۲۰ ممالک کے معزز مندوبین اور کثیر الجہتی آرگنائزیشنوں کے ممبران کو’ زمین پر جنت‘ میں خوش آمدید کہتا ہوں ۔خوبصورت مناظر سے لے کر پُر فضاجھیل تک برف سے ڈھکے پہاڑوں میں جموںوکشمیر تیسری ٹوراِزم ورکنگ گروپ میٹ کیلئے بہترین ماحول پیش کرتا ہے۔‘‘
سنہانے ایک ٹویٹ میں کہا’’میں جی۲۰؍اِجلاس کی میزباتی کا تاریخی موقعہ اور اعزاز جموںوکشمیر کو فراہم کرنے کیلئے وزیر اعظم نریندر مودی جی کا تہہ دِل سے شکریہ اَدا کرنا چاہتا ہوں ۔ مجھے یقین ہے کہ مندوبین مہمان نوازی ، ثقافت ، ضیافتوں کا بھی تجربہ حاصل کرسکیں گے ۔‘‘