ایجبیسٹن//
پاکستانی کرکٹ ٹیم کے فاسٹ بولر حسن علی نے انگلش کاؤنٹی کرکٹ میں شاندار ہیٹ ٹرک کرکے مداحوں کے دل موہ لیے۔ حسن علی نے کاؤنٹی کرکٹ کی سیکنڈ الیون کے ٹی ٹونٹی ایونٹ میں 5 وکٹیں حاصل کیں۔ حسن علی نے شاندار بولنگ کا مظاہرہ کرتے ہوئے ہیٹ ٹرک مکمل کی اور اس میچ میں مجموعی طور پر 5 شکار کیے۔
پاکستانی ٹیسٹ کرکٹر نے 3 اوور میں 14 رنز دے کر 5 کھلاڑیوں کو آؤٹ کیا جب کہ انہوں نے ایک ہی اوور میں ہیٹ ٹرک سمیت 4 شکار کیے۔
واضح رہے کہ حسن علی ایونٹ میں ورکشائر کی نمائندگی کر رہے ہیں جنہوں نے نارتھمپٹن شائر کے خلاف ہیٹ ٹرک کی۔
