کوکر ناگ :نوجوان کی لاش پراسرا ر حالت میں برآمد

سرینگر//
جنوبی کشمیر کے ڈکسم کوکر ناگ میں اٹھارہ سالہ نوجوان کی لاش پر اسرا ر حالت میں برآمد کی گئی۔
اطلاعات کے مطابق بدھ کی سہ پہر کو ڈیسو ڈکسم کوکر ناگ میں چند مقامی افراد نے نوجوان کی لاش دیکھی اور اس بارے میں پولیس کو آگاہ کیا۔
پولیس ٹیم فوری طورپر جائے موقع پر پہنچی اور لاش کو تحویل میں لے کر اس کی شناخت اٹھارہ سالہ محسن احمد ڈیکا ولد مشتاق احمد ڈیکا ساکن ڈیسو ڈکسم کے بطور کی۔
اہل خانہ نے بتایا کہ محسن احمد گھر سے کرکٹ کھیلنے کیلئے نکلا تھا۔پولیس نے معاملے کی نسبت کیس درج کرکے مزید تحقیقات شروع کی۔
پولیس کا کہنا ہے کہ پوسٹ مارٹم رپورٹ موصول ہونے کے بعد ہی موت کی وجوہات کے بارے میں کچھ کہا جاسکتا ہے ۔
دریں اثنا نوجوان کی لاش برآمد ہونے کے ساتھ ہی ڈکسم کوکر ناگ میں خوف ودہشت کا ماحول پھیل گیا ۔مقامی لوگوں نے بتایا کہ نوجوان کی کیسے موت واقع ہوئی اس کی باریک بینی سے تحقیقات ہونی چاہئے ۔