امپھال// کانگریس نے مرکز اور ریاست کی بھارتیہ جنتا پارٹی (بی جے پی) حکومت سے اپیل کی ہے کہ وہ اپنی گہری نیند سے جاگے اور ریاست میں دو جماعتوں کے درمیان تصادم سے متاثرہ لوگوں کی مدد کرنا شروع کریں۔
منی پور میں آل انڈیا کانگریس کمیٹی کے انچارج بھکتا چرن داس نے کانگریس کے دفتر میں بدھ کو میڈیا سے کہا کہ منی پور میں 3 مئی کو دو گروپوں کے درمیان تشدد افسوسناک ہے ۔ یہ قومی بحران ہے اور اس واقعے سے پورا ملک دکھی ہے ۔ حکومت کو تشدد کے دوران، مختلف ریلیف کیمپوں میں پھنسے بے سہارا لوگوں کی فوری مدد کرنی چاہئے ۔
انہوں نے کہا کہ اس تشدد سے لوگوں کی زندگی و مال تباہ ہو گیا ہے ، لوگ بے گھر ہو گئے ہیں۔ ان بے سہارا لوگوں کی مدد کے لیے اقدامات کیے جانے چاہئے ۔ جیسا کہ حکومتکام کرنے میں ناکام رہی ہے ، یہ لوگ متاثرہ ہیں اور اب حکومت کے لئے کام کرنے کا وقت آ گیا ہے ۔
انچارج نے بتایا کہ دو گروپ کے درمیان شروع ہوئے اس تنازعہ کے دوران 3 مئی سے ریاست بھر میں کرفیو نافذ کر دیا گیا تھا اور انٹرنیٹ خدمات کو بندکر دیا گیا تھا۔ آج صبح 11 بجے کرفیو میں کچھ نرمی کی گئی۔ دریں اثناء مورہ، چورا چند پور میں لوگ پھنسے ہوئے ہیں،جو شہری کمیٹیوں کی مدد سے باہر نکل رہے ہیں۔
مسٹر داس نے کہا کہ ریاست میں ضروری اشیاء کی کمی ہو گئی ہے اور ضروری اشیاء کی قیمتوں میں اضافہ ہو گیاہے ۔ اب تک مختلف تھانوں میں 216 ایف آئی آر درج کی چاچکی ہیں اور تقریباً چار ہزار دیگر لوگ پھنسے ہوئے ہیں۔ جنہیں نکالنا باقی ہے ۔ اس درمیان، مختلف سول سوسائٹیوں نے تمام سیگمراہ کن خبر پھیلانے اورساتھ ہی امن کو خراب کرنے والی معلومات کو پھیلانے سے روکنے کی اپیل کی ہے ۔
