قاضی گنڈ:سیاح محفوظ مقامات پر منتقل

سرینگر//
جنوبی کشمیر کے قاضی گنڈ علاقے میں پرانی جواہر ٹنل کے نزدیک تازہ برف باری کے باعث پھنسے ۸ سیاحوں سمیت ۱۰؍افراد کو نکال کر محفوظ مقام پر پہنچایا گیا۔
سرکاری ذرائع نے بتایا کہ برف باری کے باعث انڈومان اور نکوبار جزائر سے کشمیر آ رہے۸سیاح گاڑی کے ڈرائیور اور کلینئر سمیت قاضی گنڈ میں پرانی جواہر ٹنل کے نزدیک پھنس گئے تھے ۔
ذرائع نے کہا کہ پولیس، ٹریفک پولیس اور بی آر آئو ٹیموں نے بر وقت کارروائی کرکے درماندہ سیاحوں کو نکال کر محفوظ مقام پر پہنچایا۔
بتادیں کہ کشمیر کے کئی علاقوں میں پیر کی صبح برف باری ہوئی۔