جموں/۶مئی
فوج کا کہنا ہے کہ جموں وکشمیر کے ضلع راجوری کے کنڈی جنگل علاقے میں جمعے سے جاری تصادم آرائی کے دوران ہفتے کی صبح ایک جنگجو کو مارا گیا جبکہ دوسرے کے زخمی ہونے کا امکان ہے ۔
دریںاثنا فوج کی شمالی کمان کے کمانڈر لیفٹیننٹ جنرل اوپیندرا دویدی نے علاقے کا دورہ کرکے صورتحال کا جازئزہ لیا ہے ۔
ایک دفاع ترجمان نے بتایا کہ راجوری کے کنڈی جنگل میں جاری مشترکہ آپریشن کے دوران فوج، جموں وکشمیر پولیس اور سی آر پی ایف کی ٹیم نے ہفتے کی صبح قریب سات بجے گھیرا بندی کرکے جنگجوﺅں کو نشانے پر لے لیا۔
ترجمان نے کہا کہ اس دوران تصادم میں ایک جنگجو مارا گیا جبکہ دوسرے کے زخمی ہونے کا امکان ہے ۔
ان کا کہنا تھا کہ جائے وقوع سے فی الوقت ایک اے کے 56 رائفل،4 اے کے میگزین، 56 اے کے گولیاں، 19 ایم ایم پستول، اس کا میگزین،تین گرینیڈ اور ایک ایمونیشن پوچ بر آمد کیا گیا۔
ترجمان نے کہا کہ جاں بحق جنگجو کی شناخت معلوم کی جا رہی ہے جبکہ آپریشن ہنوز جاری ہے ۔
فوج کی شمالی کمان کے کمانڈر لیفٹیننٹ جنرل اوپیندرا دیودی نے علاقے کا دورہ کرکے صورتحال کا جازئزہ لیا ہے ۔
فوج کی شمالی کمان نے اپنے ٹویٹر ہینڈل پر ٹویٹ کرتے ہوئے کہا’فوج کی شمالی کمان کے کمانڈر لیفٹیننٹ جنرل اوپیندرا دویدی راجوری کے کنڈی علاقے میں جاری آپریشنل صورتحال کا جائزہ لینے کے لئے گراﺅنڈ زیرو پر ہیں جہاں جنگجوﺅں کے ساتھ دوبارہ فائرنگ کا تبادلہ ہوا ہے ‘۔
ٹویٹ میں کہا گیا’گراﺅنڈ کمانڈروں نے انہیں آپریشن کے تمام پہلوﺅں کے بارے میں بریف کیا‘۔
بتادیں کہ فوج کے مطابق راجوری کے کنڈی علاقے میں جمعہ کو جنگجوﺅں کے حملے میں پانچ فوجی جوان از جان جبکہ ایک افسر شدید زخمی ہوا تھا۔
