ایل او سی پر مارٹر شیل بر آمد، ناکارہ بنا دیا گیا

جموں//
جموںکشمیر کے ضلع راجوری میں لائن آف کنٹرول (ایل او سی) پر۱۲۰؍ایم ایم مارٹر شیل پایا گیا جس کو بعد میں ناکارہ بنا دیا گیا۔
سرکاری ذرائع نے بتایا کہ راجوری کے کلال علاقے میں مقامی لوگوں نے پیر کی شام ایل او سی پر دریا کے کنارے پر ایک مارٹر شیل دیکھا جس کے متعلق انہوں نے پولیس کو مطلع کیا۔
اطلاع موصول ہوتے ہی پولیس کی ایک ٹیم جائے موقع پر پہنچی اور فوج کی بم ناکارہ بنانے والی ایک ٹیم کو جائے موقع پر طلب کیا گیا جنہوں نے اس شیل کو بغیر کوئی نقصان پہنچائے ناکارہ بنا دیا۔