عالمی کرکٹ میں اگلی دہائی شبھمن کی ہوگی: ہیڈن

کولکتہ// آسٹریلیا کے سابق بلے باز میتھیو ہیڈن نے کہا کہ گجرات ٹائٹنز کے اوپنر شبھمن گل کی انڈین پریمیئر لیگ (آئی پی ایل) میں شاندار فارم خود ہی بولتی ہے کہ عالمی کرکٹ میں اگلی دہائی ان کے نام ہوگی۔
اسٹار اسپورٹس، کرکٹ لائیو شو سے گفتگو کرتے ہوئے ہیڈن نے کہاکہ "گِل نے پنجاب کنگز کی جارحانہ باؤلنگ کا سامنا کرتے ہوئے گجرات ٹائٹنز کے لیے بہت اچھا کام کیا۔ گل نے کچھ شاٹس کھیلے جو آنکھوں کو خوش کرتے ہیں۔ وہ اس قسم کے کھلاڑی ہیں اور وہ اگلی دہائی تک عالمی کرکٹ پر حاوی ہونے جا رہے ہیں۔
واضح رہے کہ پنجاب کنگز اور گجرات ٹائٹنز کے درمیان میچ کا فیصلہ میچ کی دوسری آخری گیند پر ہوا۔ آئی پی ایل کے رواں سیزن میں یہ پانچواں موقع ہے جب جیت یا ہار کا فیصلہ جوش و خروش کے عروج پر ہوا۔ گجرات ٹائٹنز کی بیٹنگ لائن اپ کچھ دیر تک پیچھا کرنا آسان دکھائی دے رہی تھی لیکن موہالی میں پنجاب نے آخری اووروں میں گجرات کو حیران کر کے میچ کو دلچسپ بنا دیا حالانکہ ‘آئس کول راہل تیوتیا اور تجربہ کار ڈیوڈ ملر نے اپنی ٹیم کے لیے اپنی صلاحیتوں کو ثابت کیا۔
اس میچ میں گل نے آئی پی ایل 2023 میں اپنی دوسری نصف سنچری بنائی اور 49 گیندوں پر 67 رنز کی شاندار اننگز کھیلی۔ گل کی بدقسمتی یہ تھی کہ وہ اپنی ٹیم کے لیے آخر تک نہ کھیل سکے اور آؤٹ ہوگئے۔
ہیڈن نے ملر اور تیوتیا کی جوڑی کی بھی تعریف کرتے ہوئے کہا کہ ان دونوں نے اپنے پہلے سیزن میں گجرات ٹائٹنز کے لیے مشکل حالات میں فنشرز کا کردار ادا کیا۔ نیوزی لینڈ کے سابق کرکٹر سائمن ڈول نے کہا کہ یہ جوڑی ٹیم کے لیے اپنی اہمیت ثابت کر رہی ہے۔
ڈول نے کہاکہ “ڈیوڈ ملر اور راہل تیوتیا ایسے کھلاڑی ہیں جو ضرورت پڑنے پر گجرات ٹائٹنز کے کام آ سکتے ہیں۔ انہوں نے آئی پی ایل 2022 میں گجرات ٹائٹنز کے لیے جو کیا، وہ 2023 میں دہرایا۔