جموں//
سیکورٹی فورسز نے جموں وکشمیر کے ضلع راجوری کے سندر بنی علاقے میں لائن آف کنٹرول (ایل او سی) کے نزدیک اسلحہ و گولہ بارود اور کچھ نقدی رقم سمیت ایک ڈورن بر آمد کیا۔
سرکاری ذرائع نے بتایا کہ سندری بنی علاقے میں بدھ کی رات دیر گئے مقامی لوگوں نے ڈرون کے اڑنے کی آواز سنی جس کے بارے میں انہوں نے فوج اور پولیس کو مطلع کیا۔
ذرائع نے کہا کہ اطلاع موصول ہوتے ہی سیکورٹی فورسز نے علاقے میں تلاشی آپریشن شروع کر دیا اور اس دوران ایک ڈرون بر آمد کیا گیا۔
ان کا کہنا تھا کہ جس جگہ ڈرون بر آمد کیا گیا وہ ایل او سی سے دو سے تین کلو میٹر دور ہے ۔
مذکورہ ذرائع نے کہا کہ ڈرون کے ساتھ اسلحہ و گولہ بارود جس میں۱۳۱گولیاں‘۵میگزین،، ہیگزا کاپٹر وغیرہ شامل ہے ، کے علاوہ دو لاکھ روپے نقدی بھی بر آمد کئے گئے ۔
