کشمیر میں خشک موسم کے بیچ بارشوں کی پیش گوئی

سرینگر//
وادی کشمیر میں خشک و خوشگوار موسم کے بیچ محکمہ موسمیات نے بارشوں کی پیش گوئی کی ہے ۔
متعلقہ محکمے کے ایک ترجمان کے مطابق وادی میں۱۵؍اپریل تک موسم خشک رہنے کا امکان ہے ۔انہوں نے کہا کہ بعد ازاں موسم کروٹ بدل سکتا ہے جس کے نتیجے میں وادی میں۲۱؍اپریل تک وقفے وقفے سے ہلکی سے درمیانی درجے کی بارشیں متوقع ہیں۔
ان کا کہنا تھا کہ۱۶؍اور۱۷؍اپریل کو موسم ابر آلود رہ سکتا ہے اور اس دوران گرج چمک کے ساتھ وقفے وقفے سے ہلکی بارشوں کا امکان ہے ۔ترجمان نے کہا کہ ۱۸ ؍اور۱۹؍اپریل کو ہلکی سے درمیانی درجے کی بارشوں کا امکان ہے اور اس دوران پہاڑی علاقوں میں کہیں کہیں ہلکی برف باری بھی متوقع ہے ۔
ترجمان نے کہا کہ۲۰؍اور۲۱؍اپریل کو بھی وادی میں کہیں کہیں ہلکی بارشوں کا امکان ہے ۔ان کاکہنا تھا بعد ازاں۲۲سے۲۵؍اپریل تک موسم خشک رہ سکتا ہے ۔
دریں اثنا وادی میں خشک موسم کے بیچ شبانہ درجہ حرارت کہیں معمول سے کم تو کہیں معمول سے زیادہ ریکارڈ ہوا ہے ۔
دارلحکومت سرینگر میں کم سے کم درجہ حرارت۲ء۷ڈگری سینٹی گریڈ ریکارڈ کیا گیا جو معمول سے۴ء۰ڈگری سینٹی گریڈ کم ریکارڈ ہوا تھا۔
سیاحتی مقام گلمرگ میں کم سے کم درجہ حرارت ۴ء۴ڈگری سینٹی گریڈ ریکارڈ کیا گیا جو معمول سے۹ء۲ڈگری سینٹی گریڈ زیادہ ریکارڈ ہوا تھا۔ایک اور سیاحتی مقام پہلگام میں کم سے کم درجہ حرارت۲ء۳ڈگری سینٹی گریڈ ریکارڈ کیا گیا جو معمول سے۴ء۰ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۲ء۶ ڈگری سینٹی گریڈ ریکارڈ کیا گیا جو معمول سے۱ء۰ڈگری سینٹی گریڈ کم ریکارڈ ہوا تھا۔
قصبہ قاضی گنڈ میں کم سے کم درجہ حرارت۹ء۶ڈگری سینٹی گریڈ ریکارڈ کیا گیا جو معمول سے ۵ء۰ڈگری سینٹی گریڈ کم ریکارڈ ہوا تھا۔