راہل کی نااہلی پر مودی کے خلاف کانگریس کی طرف سے کالے جھنڈے دکھانے کی کوشش

چنئی// تمل ناڈو کانگریس کمیٹی (ٹی این سی سی) نے کانگریس کے رکن پارلیمنٹ اور پارٹی کے سابق صدر راہل گاندھی کو ہتک عزت کے معاملے میں نااہل قرار دے کر جمہوریت کے قتل کے خلاف وزیر اعظم نریندر مودی کے دورے سے قبل سیاہ جھنڈے دکھائے ۔
یہاں والوور کوٹم کے سامنے کانگریس کے کئی کارکنوں نے سیاہ قمیض پہن کر احتجاج کیا۔
کانگریس نے اسے مرکز میں بی جے پی زیرقیادت قومی جمہوری اتحاد (این ڈی اے ) کی انتقامی کارروائی قرار دیا۔ کانگریس لیجسلیچر پارٹی کے لیڈر کے ۔ سیلواپرونتھگائی نے کہا کہ یہ احتجاج مسٹر مودی کی انتقامی کارروائی کی مذمت کے لئے منعقد کیا گیا تھا جو مسٹر راہل کے ذریعہ اٹھائے گئے سوالات کا جواب دینے کے لئے بھی تیار نہیں ہیں۔
سریپرمبدور کے ایم ایل اے نے ایک ٹویٹ میں کہا، "مسٹرمودی کے دورے کے دوران سلوگن کے ساتھ غبارے اڑائے جائیں گے جس پر ‘گو بیک مودی’ لکھاہوگا۔” پولیس بھی کانگریس کی کوششوں کا ناکام بنانے میں مصروف ہے ۔