روس کے یوکرین پر81 میزائل، 8 ڈرون حملے، 5 شہری ہلاک

کیف//
یوکرین پر روس کی جانب سے81 میزائل اور 8 ڈرون حملےکیے گئے ہیں، روس نے 10 ریجنز پر میزائل حملے کیے ہیں۔
یوکرینی فوج کا کہنا ہے کہ روس نے صبح یوکرین پر 81 میزائل داغے جن میں سے 34 میزائل مار گرائے گئے۔
یوکرینی فوج کے مطابق روس نے صبح 8 ڈرون حملے بھی کیے ہیں، روسی حملوں کے نتیجے میں 5 افراد ہلاک، 2 زخمی ہو گئے۔
لیوو ریجن میں روسی میزائل حملے میں 4 افراد جبکہ دنیپرو ریجن میں 1 شخص ہلاک ہوا ہے۔روسی حملے کے بعد زاپوریزازیا جوہری پلانٹ کی بجلی معطل ہو گئی۔
آپریٹرز کا کہنا ہے کہ زاپوریزازیا جوہری پلانٹ ڈیزل پر چلایا جا رہا ہے، روسی راکٹ حملوں کے بعد زاپوریزازیا جوہری پلانٹ کا یوکرینی پاور سسٹم سے مواصلاتی رابطہ منقطع ہو گیا ہے۔
روسی میزائل حملے کے بعد یوکرینی شہر خار کیف کے شہریوں کو پانی اور بجلی کی فراہمی منقطع ہو گئی ہے۔
یوکرینی وزیرِ اعظم کی جانب سے تازہ روسی حملوں کی مذمت کی گئی ہے۔