’جموں کشمیر میں غیر فعال کمیشنوں کا مسئلہ زیر غور ہے‘

نئی دہلی//
مرکز نے جمعہ کو سپریم کورٹ کو بتایا کہ جموں و کشمیر میں مبینہ طور پر غیر فعال قانونی پینل کا مسئلہ بشمول انسانی حقوق کمیشن، زیر غور ہے اور اس نے پیش رفت سے آگاہ کرنے کیلئے تین ہفتوں کا وقت مانگا ہے۔
چیف جسٹس ڈی وائی چندر چوڑ اور جسٹس پی ایس نرسمہا اور جے بی پاردی والا پر مشتمل بنچ نے سالیسٹر جنرل تشار مہتا کی عرضیوں کا نوٹس لیا کہ پی آئی ایل میں اٹھائے گئے مسئلہ پر’مناسب سطح‘پر غور کیا جا رہا ہے۔
سپریم کورٹ نے پٹیشنر، پونے میں مقیم وکیل عاصم سوہاس سرودے کو بھی ہدایت دی کہ وہ جموں و کشمیر کے مرکز کے زیر انتظام علاقوں اور لداخ کو بھی اس معاملے میں فریق بنائیں۔
سی جے آئی نے کہا کہ تین ہفتوں کے بعد فہرست بنائیں۔انہوں نے مزید کہا کہ مرکز سماعت کی اگلی تاریخ پر بنچ کو اس معاملے میں ہونے والی پیشرفت سے آگاہ کرے گا۔
پچھلے سال۲۸نومبر کو، سپریم کورٹ نے سرودے کی مفاد عامہ میں دائر عرضی کا نوٹس لیا تھا، جس میں الزام لگایا گیا تھا کہ اس وقت کی ریاست میں آرٹیکل ۳۷۰ کی منسوخی کے بعد مرکز کے زیر انتظام علاقے میں قانونی پینل کام نہیں کر رہے ہیں، اور اس نے مسائل سے نمٹنے کے لیے سالیسٹر جنرل سے مدد مانگی تھی۔
بنچ نے سرودے سے کہا تھا کہ وہ اپنی درخواست کی ایک کاپی لاء آفیسر کو فراہم کریں۔
عرضی میں کہا گیا ہے کہ مختلف قانونی پینل جیسے ریاستی انفارمیشن کمیشن، انسانی حقوق کا ادارہ اور یو ٹی میں صارف پینل کام نہیں کر رہے ہیں۔
سرودے نے ڈی او پی ٹی (محکمہ عملہ اور تربیت)، قومی انسانی حقوق کمیشن اور لاء کمیشن آف انڈیا کو پی آئی ایل میں فریق بنایا ہے۔
اگست ۲۰۱۹ میں، مرکز نے جموں و کشمیر کو دو مرکز کے زیر انتظام علاقوں میں تقسیم کیا اور آئین کے آرٹیکل ۳۷۰کی دفعات کو منسوخ کر دیا جس نے سابقہ ریاست کو خصوصی درجہ دیا تھا۔
جموں و کشمیر تنظیم نو بل ۵؍ اگست ۲۰۱۹ کو راجیہ سبھا میں پیش کیا گیا اور اسی دن منظور کر لیا گیا۔ لوک سبھا نے اگلے دن اسے منظوری دے دی۔ (ایجنسیاں)