اسرائیلی فوج کی چھاپہ مار کارروائی میں متعدد فلسطینی شہید

تل ابیب//
قابض اسرائیلی فوج کی طرف سے جاری ایک بیان میں کہا گیا ہے کہ سوموارکی صبح فورسز نے غرب اردن کے نواحی علاقے اریحا میں ایک چھاپہ مار کارروائی کے دوران متعدد فلسطینی مشتبہ عسکریت پسندوں کو قتل کردیا ہے۔
اسرائیلی فوج کی طرف سے جاری بیان میں کہا گیا ہے کہ ایک پناہ گزین پر مارے گئے چھاپے کے دوران جاں بحق ہونے والے فلسطینی مزاحمت کاروں کا تعلق حماس سے تھا۔
بیان میں کہا گیا ہے کہ فوج نے خفیہ اطلاع پرمشتبہ فلسطینی عسکریت پسندوں کے ٹھکانے پران کی گرفتاری کے لیے چھاپہ مارا تاہم اس موقع پر جھڑپ میں متعدد فلسطینی جنگجو مارے گئے۔
بیان میں کہا گیا ہے کہ حملہ آوروں نے 28 جنوری کو اسرائیلی فیروید یریھو یہودی بستی میں ایک ریستوران پر حملے کی منصوبہ بندی کی تھی۔
فلسطینی حکام کی جانب سے فوری طور پر اس واقعے پر کوئی تبصرہ نہیں کیا گیا۔