پونچھ : ایل او سی پر بارودی سرنگ دھماکے میں فوجی جوان زخمی

جموں//
جموں کشمیر کے ضلع پونچھ کے کرنی سیکٹر میں لائن آف کنٹرول پر ہفتے کے روز ایک بارودی سرنگ دھماکے میں ایک فوجی جوان زخمی ہوگیا۔
ذرائع نے بتایا کہ پونچھ میں ایل او سی پر ہفتے کو قریب سوا گیارہ بجے بظاہر اتفاقی طور پر ایک بارودی سرنگ دھماکہ ہوا جس کے نتیجے میں ایک فوج جوان زخمی ہوگیا۔
زخمی جوان کی شناخت اے راوت کے بطور ہوئی ہے ۔
ذرائع نے بتایا کہ زخمی جوان کو علاج و معالجے کیلئے فوری طور فوج کے کمانڈ ہسپتال اودھم پور منتقل کیا گیا۔