جنوری 2023، اسرائیلی فورسز کی فلسطینیوں کے خلاف 3,532حقوق کی خلاف ورزیاں

تل ابیب//
جنوری 2023، میں اسرائیلی فورسز نے فلسطینیوں کے خلاف 3,532حقوق کی خلاف ورزی کی اور 35 افراد کو ہلاک کیا، جن میں سے 8 بچے بھی تھےاور یہ گزشتہ 8 سالوں میں سب سے زیادہ خون بہنے والا مہینہ ہے۔
فلسطینی سول سوسائٹی کی تنظیم "فلسطینی انفارمیشن سینٹر” کی طرف سے شائع کردہ رپورٹ کے مطابق جنوری میں مقبوضہ مغربی کنارے اور مشرقی ی القدس میں فلسطینیوں کے خلاف یہودی آباد کاروں اور اسرائیلی فورسز کی جانب سے کیے جانے والے جرائم اور حقوق کی خلاف ورزیوں میں نمایاں اضافہ ہوا۔
رواں سال کے پہلے مہینے میں اسرائیلی فورسز نے ایک بزرگ خاتون اور 8 بچوں سمیت 35 فلسطینیوں کو شہید اور 342 کو زخمی کردیا ۔جنوری میں کل568 گرفتاریاں ریکارڈ کی گئیں، اسرائیلی فورسز اور یہودی آباد کاروں نے فلسطینیوں کے خلاف 3,532 حقوق کی خلاف ورزیاں کی ہیں ۔
یہودی آباد کاروں نے آبادکاری کی 17 غیر قانونی سرگرمیاں کیں اور 319 حملے کیے۔