جموں//
جنرل آفیسر کمانڈنگ (جی او سی) ٹائیگر ڈویڑن، میجر جنرل ‘ گورو گوتم نے آج یہاں پولیس ہیڈ کوارٹرز میں ڈائریکٹر جنرل آف پولیس، جموں و کشمیر‘ دلباغ سنگھ سے ملاقات کی۔
ڈی جی پی اور جی او سی نے جموں کی موجودہ سیکورٹی صورتحال سے متعلق مختلف اہم پہلوؤں پر تبادلہ خیال کیا۔
پولیس کے ایک بیان میں کہا گیا ہے کہ گفتگو کے دوران دہشت گردوں کے نئے ہتھکنڈوں کا مقابلہ کرنے کے لیے حفاظتی اقدامات کو مضبوط اور بڑھانے پر تبادلہ خیال کیا گیا جس میں پاکستان کی جانب سے اختیار کیے جانے والے اسلحہ گولہ بارود اور منشیات کو گرانا بھی شامل ہے۔
ڈی جی پی نے مختلف سکیورٹی ایجنسیوں کے درمیان ہم آہنگی کی تعریف کی جس نے پاکستان اور اس کے ذریعے بھیجے گئے دہشت گردوں کے ناپاک عزائم کو ناکام بنانے میں بہت اہم کردار ادا کیا ہے۔ انہوں نے افواج کے درمیان مستقل بنیادوں پر انٹیلی جنس کے تبادلے پر زور دیا اور بہتر نتائج کے لیے فورسز کے افسران کے درمیان تعاون بڑھانے پر بھی زور دیا۔
