سرینگر///
مٹن بیچنے والوں کی جانب سے زائد قیمت وصول کرنے کے حوالے سے مختلف حلقوں سے موصول ہونے والی شکایات کے پیش نظر فوڈ سول سپلائیز اینڈ کنزیومر افیئرز (ایف سی ایس اینڈ سی اے) کے انفورسمنٹ اسکواڈ نے گزشتہ ایک ہفتے سے ۶۴ مٹن شاپس کو سیل کیا ہے اور۲۷ہزار روپے کا جرمانہ بھی عائد کیا ہے۔
ایک مقامی خبر رساں ایجنسی نے اطلاع دی ہے کہ وادی میں جنوری۲۰۲۳کے مہینے کے دوران ای سی ایکٹ کی خلاف ورزی کرنے والے ۱۹۷ تاجروں سے۵۵ہزار۲۰۰ روپے جرمانے کے طور پر وصول کیا ہے۔ اس کے علاوہ ۴۱دکانوں کو بھی سیل کیا گیا ہے۔
مزید برآں، غلطی کرنے والے کو مستقبل میں محتاط رہنے کی تاکید کی گئی ہے۔ یہ مہم مستقبل میں بھی اسی جذبے کے ساتھ جاری رہے گی اور جو بھی اصولوں کی خلاف ورزی کرتا پایا گیا اسے انصاف کے کٹہرے میں لایا جائے گا۔