حکومت کا ۲۶ نومبر کو یوم آئین منانے کا حکم

جموں//
حکومت نے بدھ کے روز جموں و کشمیر کے تمام دفاتر، خود مختار اداروں،‘پی ایس یوز‘مقامی خود حکومتی اداروں (پنچایتوں/میونسپل باڈیز)، اسکولوں اور کالجوں میں آئین کی تمہید پڑھنے کی تقریبات منعقد کرنے کا حکم دیا۔
’یوم آئین‘ جسے’سمویدھان دیوس‘ کے نام سے بھی جانا جاتا ہے‘ہر سال ۲۶ نومبر کو ہندوستان کے آئین کو اپنانے کی یاد میں منایا جاتا ہے۔
۲۶نومبر ۱۹۴۹ کو ہندوستان کی دستور ساز اسمبلی نے ہندوستان کے آئین کو اپنایا جو ۲۶ جنوری۱۹۵۰ سے نافذ العمل ہوا۔
حکومت کے جاری کردہ ایک سرکیولر کے مطابق اس سال یوم آئین ۲۶نومبر کو اس موضوع پر منایا جا رہا ہے:’ انڈیا۔ دی مدر آف ڈیموکریسی‘۔
اس کے مطابق، جشن منانے اور آئین میں درج نظریات کے حوالے سے شہریوں کو حساس بنانے کیلئے۲۶ نومبر۲۰۲۲ کو صبح گیارہ بجے ملک بھر میں آئین کی تمہید پڑھنے کی تقریبات کا انعقاد کیا جائے گا، یہ بھی فیصلہ کیا گیا ہے کہ اسی طرح کی تمہید پڑھنے کی تقریبات کا انعقاد کیا جائے گا۔
جموں اور کشمیر کا مرکزی علاقہ، تمام سرکاری دفاتر/خود مختار اداروں/پی ایس یوز /مقامی خود حکومتی اداروں (پنچایت/میونسپل باڈیز)/اسکول/کالجوں میں آئین کی تمہید پڑھی جائیگی ۔
اس کے علاوہ ۲۲سرکاری زبانوں میں آئین کی تمہید کو آن لائن پڑھنے کی سہولت فراہم کرنے کے لیے ایک آن لائن ویب لنک بنایا گیا ہے یعنی www.readpreamble.nic.in۔
اس کے علاوہ شہری ویب پورٹل www.constitutionquiz.nic.in پر ’انڈیا۔دی مدر آف ڈیموکریسی‘ کے موضوع پر آن لائن کوئز میں حصہ لے سکتے ہیں۔