بائیڈن نے نیویارک میں ہنگامی حالت کے اعلان کی منظوری دی

واشنگٹن//
امریکی صدر جو بائیڈن نے تاریخی برف باری کے بعد نیویارک کے لیے ہنگامی حالت کے اعلان کی منظوری دے دی ہے۔ وائٹ ہاؤس نے منگل کو یہ اطلاع دی۔
وائٹ ہاؤس کے مطابق، مسٹر بائیڈن نے شدید سردی اور برفانی طوفان کے بعد ریاستی اور مقامی ردعمل کی کوششوں میں اضافے کے لیے وفاقی امداد کا حکم بھی دیا ہے۔اس کے علاوہ وفاقی حکومت نے طوفان سے متاثر علاقوں میں وفاقی وصولی کے کاموں کے لئے ایک رابطہ افسر مقرر کیا گیا ہے۔
نیویارک کی گورنر کیتھی ہوچل نے کل ٹویٹ کیا کہ اس ہفتے کے آخر میں ہمیں ریکارڈ برفانی طوفان کا سامنا کرنا پڑا۔
نیویارک نے 24 گھنٹوں میں سب سے زیادہ برفباری کا ریاستی ریکارڈ قائم کیا، امریکی نیشنل ویدر سروس کے مطابق، ایری کاؤنٹی کے کچھ علاقوں میں چھ فٹ سے زیادہ برف باری ہوئی۔
ایری کاؤنٹی کے ایک گاؤں آرچرڈ پارک میں بھی جمعرات اور اتوار کی دوپہر کے درمیان 80 انچ (203 سینٹی میٹر) برف پڑی۔