مژھل سیکٹر میں برفانی تودا گرآیا ‘۳فوجی ہلاک:پولیس

سرینگر//
جموںکشمیر کے شمالی ضلع کپواڑہ کے مژھل سیکٹر میں جمعے کے رو ز برفانی تودا گر آیا جس کے نتیجے میں تین فوجی جوان جاں بحق ہوئے ۔
سرکاری ذرائع نے بتایا کہ جمعے کے روز کپواڑہ کے مژھل میں اچانک برفانی تودا گر آیا جس وجہ سے اُس کی زد میں تین فوجی اہلکار آئے ۔
ذرائع نے بتایا کہ آس پاس موجود اہلکاروں نے فوری طورپر ریسکیو آپریشن شروع کیا اور برف کے نیچے دبے ہوئے فوجی اہلکاروں کو باہر نکال کر ہسپتال پہنچایا تاہم ڈاکٹروں نے تینوں کو مردہ قرار دیا۔
بتادیں کہ گزشتہ ہفتے شمالی ضلع کپواڑہ میں بھاری برف باری کے نتیجے میں دور افتادہ علاقوں کی شاہرائیں ابھی بھی برف سے ڈھکی ہوئی ہے ۔
پولیس ذرائع نے جاںبحق فوجیوںکی شناخت سووک ہاجرا‘ مکیش کمار اور گائیکواڑ منوج لکشمن راؤ کے طور ہوئی ہے ۔اب تک دو لاشوں کو ۱۶۸ ؍ایم ایچ ڈرگمولہ منتقل کی گئی ہیں۔