جموں//
سی بی آئی نے منگل کو جموں کشمیر میں پولیس سب انسپکٹر بھرتی گھوٹالہ کے سلسلے میں جموں، پٹھان کوٹ، ریواڑی اور کرنال میں سات مقامات پر تلاشی لی۔
جموںمیں کشمیر سنگھ جوکہ سی آر پی ایف کانسٹیبل اور وکاس شرما، آئی آر پی کانسٹیبل کے ہاں تلاشی لی گئی ۔
پٹھان کوٹ میں اتل کمار، سی آر پی ایف کانسٹیبل اور ترسیم لال کے ہاں تلاشی لی گئی ۔ریواڑی میں سریندر سنگھ، سی آر پی ایف کانسٹیبل اور یتن یادو ‘کرنال میں سلیندر کی رہائش گاہوں پر بھی تلاشی لی گئی ۔
سی بی آئی نے جموں و کشمیر حکومت کے کہنے پر۳؍ اگست کو کیس کی تحقیقات اپنے ہاتھ میں لے لی تھی۔
سی بی آئی کاکہناہے کہ یہ معاملہ امتحان کے لیے سوالیہ پرچہ لیک ہونے سے متعلق ہے جس کے ذریعے جموں و کشمیر سروس سلیکشن بورڈ (جے کے ایس ایس بی) کے ذریعے سب انسپکٹرز کی ۱۲۰۰آسامیاں پْر کی جانی تھیں۔