بالائی حصوں میں ہلکی برفبار‘میدانی علاقوں میں بارشیں

سرینگر//
محکمہ موسمیات کی پیش گوئی کے عین مطابق وادی کشمیر کے پہاڑی علاقوں میں ہلکی برف باری جبکہ میدانی علاقوں میں بارشیں ہوئیں۔
موسمیات محکمے کے ایک ترجمان نے بتایا کہ وادی میں اگلے چوبیس گھنٹوں کے دوران مطلع ابر آلود رہ سکتا ہے اور اس دوران ہلکی بارشوں کا بھی امکان ہے ۔
ترجمان نے کہا کہ وادی میں۲سے۴نومبر تک موسم مجموعی طور پر ابر آلود رہنے کی توقع ہے اس دوران بالائی علاقوں میں کہیں کہیں ہلکی برف باری جبکہ میدانی علاقوں میں ہلکی بارشوں کا امکان ہے تاہم اس کے زیادہ امکانات نہیں ہیں۔
ترجمان کا کہنا تھا کہ بعد ازاں وادی میں۵سے۸نومبر تک بھی موسم ابر آلود رہ سکتا ہے اس دوران ہلکی سے درمیانی درجے کی برف باری یا بارشیں ہونے کا امکان ہے ۔
ترجمان نے کہا کہ تاہم وادی میں اس ہفتے کے دوران بھاری برف باری کا کوئی امکان نہیں ہے ۔انہوں نے کہا کہ خراب موسمی حالات سے زوجیلا پاس، سادھنہ ٹاپ اور مغل روڈ پر ٹریفک کی نقل و حمل متاثر ہوسکتی ہے ۔
محکمہ کے مطابق سرینگر میں گذشتہ چوبیس گھنٹوں کے دوران۸ء۱ملی میٹر بارش ریکارڈ ہوئی ہے جبکہ گلمرگ میں۸ء۰ملی میٹر‘پہلگام میں۵ء۰ملی میٹر اور کپوارہ میں۲ء۰ملی میٹر بارش ریکارڈ ہوئی ہے ۔
دریں اثا وادی میں گلمرگ کو چھوڑ کر شبانہ درجہ حرارت معمول سے زیادہ ریکارڈ ہوا ہے ۔
دارلحکومت سرینگر میں کم سے کم درجہ حرارت۶ء۷ڈگری سینٹی گریڈ ریکارڈ کیا گیا جو معمول سے۸ء۴ڈگری سینٹی گریڈ زیارہ ریکارڈ ہوا تھا۔سیاحتی مقام گلمرگ میں کم سے کم درجہ حرارت۰ء۰ڈگری سینٹی گریڈ ریکارد کیا گیا جو معمول سے۷ء۱ڈگری سینٹی گریڈ کم ریکارڈ ہوا تھا۔
وادی کے ایک اور سیاحتی مقام پہلگام میں کم سے کم درجہ حرارت۰ء۶ڈگری سینٹی گریڈ ریکارڈ کیا گیا جو معمول سے۳ء۶ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۴ء۶ڈگری سینٹی گریڈ ریکارڈ کیا گیا جو معمول سے۰ء۴ڈگری سینٹی گریڈ زیادہ ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۰ء۸ڈگری سینٹی گریڈ ریکارڈ کیا گیا جو معمول سے ۴ء۵ڈگری سینٹی گریڈ زیادہ ریکارڈ ہوا تھا۔