کولگام میں مختصر تصادم‘ ملی ٹینٹ ہلاک:پولیس

سرینگر//
جنوبی کشمیر کے آستان مرگ کوثر ناگ علاقے میں مختصر تصادم میں ایک جنگجو مارا گیا۔
پولیس کے ایک ترجمان نے بتایا کہ جمعرات کی سہ پہر کو کولگام کے آستان مرگ کوثر ناگ میں سیکورٹی فورسز اور ملی ٹینٹوں کے مابین ایک مختصر گولیوں کا تبادلہ ہوا جس دوران ایک ملی ٹینٹ از جان ہوا۔
ترجمان نے بتایا کہ مہلوک ملی ٹینٹ کی شناخت اور اْس کی تنظیمی وابستگی کے بارے میں جانچ پڑتال شروع کی گئی ہے۔
علاقے میں آپریشن ہنو ز جاری۔اس سلسلے میں مزید تفصیلات کا انتظار ہے۔
اس دوران شمالی ضلع بانڈی پورہ کے آلوسہ علاقے میں ایک دھماکہ ہوا تاہم اس دوران کسی کے زخمی ہونے کے بارے میں کوئی اطلاع موصول نہیں ہوئی۔
معلوم ہوا ہے کہ سیکورٹی فورسز نے آس پاس علاقوں کو محاصرے میں لے کر تلاشی آپریشن شروع کیا۔
پولیس کے ایک ترجمان نے بتایا کہ جمعرات کے روز آلوسہ بانڈی پورہ میں معمول کے مطابق فوجی گاڑیاں گشت لگا رہی تھیں کہ اس دوران ایک کم نوعیت کا دھماکہ ہوا۔انہوں نے بتایا کہ دھماکے میں کسی کے زخمی ہونے کے بارے میں کوئی اطلاع موصول نہیں ہوئی۔
پولیس ترجمان کے مطابق سیکورٹی فورسز کی اضافی کمک نے آس پاس علاقوں کو محاصرے میں لے کر تلاشی آپریشن شروع کیا۔