نئی دہلی//
کانگریس کے نو منتخب صدر ملکارجن کھڑگے بدھ کو تاج پوشی کی تقریب سے پہلے راج گھاٹ جائیں گے اور بابائے قوم مہاتما گاندھی کو ان کی سمادھی پر خراج عقیدت پیش کریں گے ۔
کھڑگے کل صبح۸بجے راج گھاٹ جانے والے ہیں۔ اس کے بعد وہ شانتی ون، لال بہادر شاستری کی سمادھی وجے گھاٹ، اندرا گاندھی کی سمادھی شکتی استھل، راجیو گاندھی کی سمادھی ویر بھومی اور سابق مرکزی وزیر بابو جگجیون رام کی سمادھی سمتا استھل پر جا کر سابق وزیر اعظم جواہر لال نہرو کو خراج عقیدت پیش کریں گے ۔
صدر کے انتخاب میں کھڑگے کو جیت کا سرٹیفکیٹ دینے کے لیے صبح ساڈھے دس بجے کانگریس ہیڈکوارٹر میں ایک تقریب کا انعقاد کیا جائے گا، جس میں کانگریس کی عبوری صدر سونیا گاندھی، سابق صدر راہل گاندھی، پارٹی جنرل سکریٹری پرینکا گاندھی سمیت تمام اہم کانگریسی لیڈران موجود رہیں گے ۔