گاندربل سڑک حادثہ میں بیٹی کی موت، باپ شدید زخمی

گاندربل//
گاندربل کے لار علاقے میں سڑک حادثے میں ایک نابالغ لڑکی کی موت ہو گئی جبکہ اس کا باپ شدید زخمی ہو گیا۔
ایک اہلکار نے بتایا کہ جمعہ کی سہ پہر، ایک اسکوٹی کو گاندربل کے لار علاقے میں نامعلوم ٹاٹا موبائل گاڑی نے ٹکر مار دی، جس کے نتیجے میں اسکوٹر سوار زخمی ہوگئے۔
اہلکار نے بتایا کہ دو افراد کی شناخت فردوس احمد ماگر اور ان کی بیٹی زاہدہ کے طور پر کی گئی ہے جنہیں علاج کے لیے قریبی اسپتال منتقل کیا گیا ہے۔
اہلکار نے مزید کہا کہ زاہد، جس کی عمر آٹھ سال تھی، زخموں کی تاب نہ لاتے ہوئے چل بسی، جب کہ اس کے والد ہسپتال میں زیر علاج ہیں۔
پولیس نے اس سلسلے میں ایک کیس درج کر لیا ہے اور ڈرائیور کو پکڑنے کے لیے تلاش شروع کر دی گئی ہے جو موقع سے فرار ہو گیا تھا۔