امریکا کے جنگلات میں لگی آگ سے بڑےپیمانے پر تباہی

واشنگٹن///
امریکی ریاست واشنگٹن اور اوریگن کے جنگلات میں لگی آگ سے بڑےپیمانے پر تباہی ہو گئی ہے۔
امریکی ریاست واشنگٹن اور اوریگن میں جنگلات کی آگ کے باعث بحر الکاہل کے شمال مغرب کے بیشتر حصے دھویں کی لپیٹ میں آگئے ہیں۔
واشنگٹن اوراوریگن میں اس وقت 2 درجن سے زائد مقامات پر جنگلات میں آگ لگی ہوئی ہیں۔
جنگلات کی آگ کے باعث واشنگٹن اور اوریگن کی فضا انتہائی آلودہ ہے جبکہ واشنگٹن کے شہرسیاٹل میں شہریوں کو سانس لینے میں مشکلات کا سامنا ہے۔
اوریگن کے شہر پورٹ لینڈ میں باہر نکلنے والے شہری ماسک لگانے پر مجبور ہیں۔
اوریگن میں حکام نے شہریوں کو غیر ضروری گھروں سے باہر نہ نکلنے کی ہدایت کی ہے۔