سری نگر/14 اکتوبر
پیپلز ڈیموکریٹک پارٹی (پی ڈی پی) کے جنرل سکریٹری جی این لون ہانجورہ کے بیٹے‘ ایڈوکیٹ مظفر نبی لون نے جمعہ کو سری نگر میں ڈیموکریٹک آزاد پارٹی (ڈی اے پی) میں شمولیت اختیار کی۔
ایک مقامی خبر رساں ایجنسی نے رپورٹ کیا کہ ایڈوکیٹ مظفر نے سری نگر میں ڈی اے پی کے سربراہ غلام نبی آزاد کے ساتھ بات چیت کے بعد پارٹی میں شمولیت اختیار کی۔
ایڈووکیٹ مظفر نے کہا کہ بات چیت پہلے سے جاری تھی اور کل انہوں نے سری نگر کے گیسٹ ہاو¿س میں آزاد سے ملاقات کی اور باضابطہ طور پر پارٹی میں شمولیت اختیار کی۔
”میں طویل عرصے سے سیاست سے وابستہ ہوں۔ میری پی ڈی پی یا اپنے خاندان سے کوئی دشمنی نہیں ہے، لیکن نظریاتی اختلافات نے انہیں ڈی اے پی میں شامل ہونے پر مجبور کیا کیونکہ میرا ماننا ہے کہ جموں و کشمیر میں موجودہ سیاسی خلا کو پر کرنے کی صلاحیت صرف آزاد صاحب میں ہے۔“