امریکا کا افغان طالبان پر نئی پابندیوں کا اعلان

واشنگٹن//
امریکی انتظامیہ نے افغانستان میں طالبان پرمزید پابندیوں کا اعلان کردیا۔
امریکی وزارت خارجہ کا کہنا ہے کہ افغان خواتین اور بچیوں پر جبر کے ذمے داروں کے خلاف امریکی اقدامات پر نئی پابندیاں عائد کی گئی ہیں۔امریکی وزیرخارجہ نے طالبان پر انسانی حقوق کے احترام پر زور دیتے ہوئے کہا ہے انسانی حقوق کی پامالی میں ملوث طالبان اور دیگر عناصر کے ویزے روکے جائیں گے۔
امریکی وزیر خارجہ کا کہنا ہے کہ افغانستان میں انسانی حقوق سے متعلق پالیسیاں تبدیل کی جائیں، افغان خواتین کی تعلیم، روزگار اور نقل و حرکت پر پابندیاں ختم کی جائیں، افغان بچوں کو تعلیم کے حق سے محروم نہ کیاجائے۔
امریکی وزیر خارجہ نے کہا کہ جولوگ ایسی پالیسیوں کے ذمہ دار ہیں ان کے خاندان کے ویزے بھی روکے جائیں گے۔