شاداب خان کی کارکردگی سے ٹیم کا مزاج تبدیل ہوگیا، حارث رؤف

کراچی //
پاکستان کرکٹ ٹیم کے فاسٹ بولر حارث روف نے کہا ہے کہ نیوزی لینڈ کے خلاف میچ مین پلان کے مطابق بولنگ کی اور ٹیم کو کامیابی ملی۔
جیو نیوز سے گفتگو میں حارث روف نے کہا کہ ہمار پلان یہ ہی تھا کہ کیوی کھلاڑیوں کی وکٹیں بھی لیں اور اسکور بھی زیادہ نہ ہونے دیں، جس کی وجہ سے لو اسکورنگ ہدف ملا اور بیٹسمنوں کو آسانی ہوئی۔
انہوں نے کہا کہ کپتان بابر اعظم نے جس طرح ان پر اعتماد کر رہے ہیں، وہ بھی کوشش کرتے ہیں کہ ان کے اعتماد پر پورا اتروں۔
شاہین شاہ آفریدی اور نسیم شاہ کی غیر موجودگی مین حارث روف ان دنوں پاکستان ٹیم میں لیڈنگ بولرکا کردار ادا کر رہے ہیں، انہوں نے نیوزی لینڈ کے خلاف میچ میں 3 وکٹیں لیں۔
انٹرویو میں حارث روف نے کہا کہ ورلڈ کپ سے قبل سہہ فریقی سیریز بڑی اہمیت کا حامل ہے، پہلے میچ میں محمد رضوان نے اسکور کیا، نیوزی لینڈ کے خلاف بابر اعظم نے 79رنز کی شاندار اننگز کھیلی اور جس طرح شاداب کو اچانک نمبر 4 پر بھیجا گیا، اُس نے ٹیم کا مزاج تبدیل کردیا اور ٹیم کی کامیابی میں اپنا حصہ ڈالا۔
حارث روف کا کہنا ہے کہ کوشش ہے کہ سینئر بولر کی حثیت سے اپنا کردار ادا کروں اور ٹیم کا بوجھ سنبھالوں تاکہ ان کی کارکردگی سے ساتھی بولرز کو سہارا ملے جو ٹیم کےلیے سومند ثابت ہوں